ولادي الطمع عامي قلبهم وعايزين يورثوني بالحياة

بصيت لهم وقلت لهم أنا قررت أعمل حاجة تانية وسكتوا وسألوني عملتي إيه قلت لهم لما ييجي وقتها هتعرفوا ومشيت كل واحد فيهم وهو فاكر إني أخيرًا وافقت على البيع
5
بعد أسبوع بالضبط تعبت وأنا قاعدة في بيتي وما رضيتش أروح المستشفى في الأول لأن التعب كان بسيط في نظري لكن بنت جارتي أصرت تاخدني للدكتور وبعد الكشف قال إن لازم أرتاح وما أتحركش كتير رجعت البيت واتصلت بولادي كلهم وقلت لهم تعالى لي عايزة أشوفكم محدش سألني إيه اللي حصل وكلهم حضروا بسرعة ووقتها فهمت إنهم لسه فاكرين إن الموضوع له علاقة بالبيت قعدوا قدامي وابني الكبير قال لي يا أمي لو إنتي قلقانة من البيع إحنا ممكن نأجل قلت له أنا مش قلقانة من البيع أنا قلقانة منكم سكتوا وبنتي بدأت تعيط وقالت لي إحنا ولادك يا ماما مهما حصل قلت لها عارفة إنكم ولادي وعشان كده أنا موجوعة منكم أكتر من أي حد غريب أنا ما كنتش مستنية منكم فلوس ولا خدمة ولا حتى زيارات كل يوم كنت مستنية لما أقول أنا تعبانة ألاقي واحد فيكم يقولي أنا جاي ولما أقول محتاجة دواء ألاقي حد واقف على بابي لكنكم ما كنتوش بتفتكروني غير لما افتكرتوا البيت ابني الكبير حاول يقاطعني وقال يا أمي إحنا كنا بنفكر في مستقبلك قلت له لا كنتوا بتفكروا في مستقبلكم لأن مستقبلي كان موجود في البيت ده من يوم ما أبوكم مات وأنتوا أخدتوا ورثكم كامل وأنا ما طلبتش منكم حاجة بل بالعكس كل واحد فيكم أخد مني وأنا كنت بقول دي مساعدة لأولادي لكنكم لما شفتوا إن لسه عندي بيت قلتوا دي فلوس زيادة لازم نتصرف فيها قبلي ابني الأصغر نزل عينه في الأرض ومقالش حاجة وبنتي فضلت تعيط وأنا قلت لهم البيت مش هيتباع ليكم ولا للمقاول والبيت بعد وفاتي مش هيبقى ميراث تتخانقوا عليه أنا اتخذت الإجراءات القانونية اللي تحفظ حقي في السكن والانتفاع بيه في حياتي وتخلي البيت بعد وفاتي يروح للجهة الخيرية اللي اخترتها ساعتها ابني الكبير وقف مرة واحدة وقال يعني إيه؟

قلت له يعني البيت اللي كنتوا مستنيين تبيعوه بعد ما أمــ,,ـــــوت مش هتبيعوه أنتم ولا هتقسموا تمنه بينكم أنا اخترت إن تمن البيت بعد وفاتي يساعد ناس ما لقيتش في حياتهم حتى اللي يمد لهم إيده من أهلهم بنتي صرخت وقالت لي إنتي بتحرمينا من حقنا قلت لها أنا ما حرمتكمش من حاجة أبوكم قسم لكم حقكم وأنا أعطيتكم من حقي بإرادتي لكن البيت ده أنا عشت فيه وخترت مصيره بعد مــ,,ـــــوتي وفقًا للإجراءات القانونية