جهزت البيت انا وحماتي بإيدي وأنا فاكرة إنه بيتي لحد ما اكتشفت إني بحضره لاستقبال زوجي ومراته وابنهم

بعدها بأسبوع اتصل بيا كريم وقال إنه أخيرًا خلص إجراءات السفر وإنه راجع يوم الخميس. فضلت طول الأسبوع أجهز البيت وأشتري الحاجات اللي بيحبها وأقول لليلى إن باباها خلاص جاي وهيفضل معانا.

لكن قبل رجوعه بيومين حماتي اتصلت بيا وطلبت مني أروح الشقة الجديدة عشان أرتب غرفة النوم وأتأكد إن كل حاجة جاهزة قبل ما ييجي المستأجر اللي اتفقت معاه. استغربت إنها ما جابتش سيرة المستأجر قبل كده لكن نفذت طلبها.ويوم الخميس صحيت من الفجر ولبست وجهزت الأكل اللي كريم بيحبه واتصلت بحماتي عشان نروح المطار سوا.

ردت عليا وقالت إنها هتروح مع قريبنا وإن الأفضل أفضل في البيت عشان أجهز الغدا وأستقبل كريم بعد ما يرتاح من السفر. حاولت أعترض لكنها أنهت المكالمة بسرعة.

وبعد الظهر رن تليفوني تاني وقالتلي بصوت مستعجل إنها نسيت تجهز ملايات السرير في الشقة وإن لازم أطلع أحطها قبل ما توصل هي. خدت الملايات وطلعت وأنا بتخيل لحظة دخول كريم من الباب وإزاي هنجري أنا وليلى عليه.
فتحت الشقة بالمفتاح ودخلت غرفة النوم أرتب السرير وفجأة سمعت صوت المفتاح في الباب الخارجي وبعده صوت حماتي وهي بتضحك وبتقول لحد معاها إن كل حاجة بقت جاهزة. خرجت من الأوضة وأنا ببتسم وقلت أكيد كريم وصل.

لكن أول ما وصلت للصالة شفت جوزي داخل وهو شايل شنطة سفر وفي إيده إيد واحدة ست شايلة طفل صغير. بصلي كريم للحظة واتغير لون وشه والست وقفت جنبه وهي بتبصلي باستغراب. أما حماتي فحطت إيدها على كتف الست وقالت بهدوء كأنها بتعرفني على ضيفة عادية دي نادين مرات كريم وابنهم آدم.

في اللحظة دي حسيت إن رجلي مش شيلاني وإن كل التعب اللي بذلته في الشقة وقع فوق دماغي مرة واحدة.### الفصل الثاني
فضلت واقفة مكاني مش قادرة أستوعب الجملة اللي سمعتها وكنت مستنية كريم يضحك ويقولي إن أمه بتهزر أو إن فيه سوء تفاهم حصل لكن هو نزل عينه في الأرض وما قالش كلمة.

بصيت للطفل اللي في ح. ضن نادين ولقيته بيحرك إيده الصغيرة وبيعيط فحاولت أتكلم لكن صوتي خرج ضعيف وأنا بسأله مين الست دي وإيه اللي بيحصل. حماتي ردت بداله وقالت إن كريم اتجوز نادين في السعودية من أكتر من سنة وإنها خلفت منه وإنهم كانوا مستنيين الوقت المناسب عشان يرجعوا مصر ويستقروا هنا.

حسيت إني اتض. ربت على قلبي مش بس عشان اتجوز عليا لكن عشان اكتشفت إن كل الأيام اللي كنت بعد فيها على رجوعه كان هو فيها بيبني حياة تانية وأنا قاعدة مستنياه مع بنته. بصيت لكريم وقلتله يعني إنت كنت بتكلمني كل يوم وتقول إنك بتحوش لبيتنا وإنت متجوز ومخلف من ورايا؟

رد بعد سكوت طويل وقال إن الموضوع بدأ من ظروف الشغل وإن نادين كانت معاه في نفس المدينة وإنه ما كانش ناوي يخبي عليا للأبد لكنه كان خايف من رد فعلي. سألته وإيه اللي خلاك تجيبها هنا وتجهز لها شقة من غير ما تقولي؟هنا حماتي تدخلت وقالت إن الشقة ملكها وإنها حرة تتصرف فيها وإنها شايفة إن وجود نادين وابنها قريب من كريم أحسن من إنهم يعيشوا في إيجار بعيد عنه.