سلفتي كانت بتدخل شقتي كل يوم وتقول لعيالها ده حق أبوكم لحد ما أمي عرفت الحقيقة وقررت توقفها عند حدها بطريقة ما خطرتش على بالي

هالة قامت وهي متعصبة وقالت إنها مش هتيجي عندنا تاني وإننا لو احتجنا حاجة ما نطلبش منها أي مساعدة
أحمد قالها محدش طلب منك غير إنك تحترمي حدود بيتنا
خرجت هالة وقفلت الباب وراها بعصبية وأحمد دخل المطبخ ولقاني بعيط

قرب مني وقاللي أنا آسف يا نجلاء كان لازم أتكلم من الأول وما أخليكيش تشيلي نتيجة غلطتي لوحدك
قلتلُه أنا مش عايزاك تخسر أخوك ولا عايزة أمنع حد عنك أنا بس عايزة أحس إن بيتي ليا وإنك لو حصلت مشكلة بيني وبين حد من أهلك تسمعني وتفهمني قبل ما تطلب مني أستحمل

قاللي عندك حق وأنا وعدتك إني هسدد الدين في معاده ومش هخلي الموضوع ده يتكرر
أمي كانت لسه عندي ولما سمعت الكلام ابتسمت وقالتلي أهو يا بنتي لما الواحد يفرق بين الحق والضغط على الناس المشاكل بتتحل من غير ما حد يظلــ,,ـــــم حد
لكن الموضوع ما انتهيش عند كده لأن سامح نفسه جه بعد يومين ومعاه هالة وكان واضح إنهم جايين يتكلموا في اللي حصل

سامح اعتذر لأحمد عن إنه ساب موضوع الدين يدخل في علاقتهم وإنه ما كانش يعرف إن هالة بتقعد عندنا بالشكل ده كل يوم

وبص لهالة وقالها أنا عارف إنك كنتي فاكرة إنك بتدافعي عن حقي لكن أنا ما طلبتش منك تروحي تضايقي مراته ولا تخلي العيال يفتكروا إن البيت ملكنا
هالة كانت ساكتة ومحرجة وبعد شوية بصتلي وقالتلي أنا يمكن زودتها شوية بس كنت متضايقة من موضوع الفلوس وكنت شايفة إن أحمد مش مقدر تعب سامح

قلتلها حق سامح محفوظ والاتفاق بينهم واضح لكن اللي حصل بيني وبينك وجعني لأنك دخلتي بيتي وحسستيني إني ضيفة فيه
هالة ما اعتذرتش اعتذار كامل لكنها قالت إنها مش هتكرر اللي حصل وإنها هتتصل قبل ما تيجي وإن العيال مش هيدخلوا يجروا ويلعبوا زي الأول

ومن يومها فعلًا بطلت تيجي كل يوم وبقت الزيارات قليلة ومحددة ولما كانت بتيجي كانت بتحترم وجودي وتسألني قبل ما تطلب حاجة من المطبخ
أما أحمد فالتزم بالأقساط اللي اتفق عليها مع أخوه ورغم إن السداد كان متعب شوية لكنه كان أحسن بكتير من إن الدين يفضل سبب لخلافات كل يوم