اتجوزت راجل أرمل عنده بنت.. وفي يوم لقيتها بتمسك إيدي وبتقولي: «أنا شوفت اللي حصل لماما؟»

سألته ليه قالت إنها مش عايزة تتكلم قدامك فقال إن الأطفال ساعات بيخلطوا بين الحلم والحقيقة وإن مريم كانت صغيرة جدًا وقت وفاة أمها. كلامه كان منطقي لكن رد فعله هو اللي خلاني مش مرتاحة. تاني يوم لاحظت إن مريم بقت متعلقة بيا أكتر وفضلت طول اليوم جنبي.

ولما بقينا لوحدنا سألتها بهدوء عن اللي شافته فقالت إنها كانت عند جدتها يوم وفاة أمها وإنها رجعت البيت قبل الإسعاف بشوية. قالت إنها دخلت الأوضة ولقت أمها على الأرض وكريم واقف جنبها وبيحاول يفوقها.

سألتها وإيه اللي خلاكي تقولي شوفت اللي حصل لماما؟ قالت لي لأنها سمعت باباها وقتها بيقول لحد في التليفون إنها وقعت لوحدها وإنه ما كانش موجود. أنا اتصدمت لأن كلامها معناه إن عندها ذكرى مختلفة عن الرواية اللي سمعتها من كريم.لكني ما حبيتش أزرع في دماغها شكوك زيادة وسألتها عن الشخص اللي كان بيكلمه فقالت مش فاكرة.

وبعدها قالت حاجة أهم وهي إن قبل ما تلاقي أمها على الأرض كانت سامعة خناقة بين أبوها وأمها من الأوضة. هنا بدأت أفهم ليه مريم كانت خايفة تتكلم.

ما كانش عندها دليل على إن أبوها أذى أمها لكنها كانت شايلة ذكرى ناقصة ومخيفة من يوم وفاة أمها. قررت ما أواجهش كريم بكلامها مباشرة قبل ما أفهم الحقيقة. خصوصًا إن اتهام شخص بق. تل زوجته من غير دليل ممكن يدمر بيت كامل.

وبعد يومين حصل موقف خلاني أشك أكتر. كنت بنضف درج قديم في المكتب ولقيت ورقة من المستشفى بتاريخ يوم وفاة مراته. الورقة كانت بتقول إن سبب الوفاة إصابة شديدة في الرأس وإن الشرطة حضرت للمكان.

ساعتها حسيت إن الموضوع أكبر من مجرد وفاة طبيعية زي ما كريم قال لي من البداية.3
واجهت كريم بالورقة وقلت له إن مريم مش بتقول كلام من فراغ وإن في حاجات حصلت يوم وفاة أمها أنا ما كنتش عارفاها.

فضل ساكت فترة طويلة وبعدها قعد على الكرسي وحط إيده على وشه وقال لي إنه كان متوقع اليوم ده ييجي. قال لي إن مراته كانت بتعاني من مشاكل عصبية شديدة بسبب ضغط نفسي كبير وإنها في الفترة الأخيرة كانت بتتعصب لأتفه الأسباب وإن يوم الحا. دث حصلت بينهم خناقة بسبب موضوع فلوس.

هو كان وقتها عايز ياخد منها مفتاح خزنة فيها أوراق تخص مشروعه وهي رفضت وقالت له إنها مش هتسمح له ياخد أي حاجة من غير ما يتفقوا. حصل شد بينهم وهي زقته وهو حاول يبعدها عنه فوقعت على طرف ترابيزة واتخبطت في دماغها.

قال إنه اتخض جدًا وحاول يفوقها واتصل بالإسعاف لكنه قبل ما الإسعاف توصل اتصل بواحد صاحبه وقال له كلام مرتبك لأنه كان خايف يتهموه إنه ض. ربها. صاحبه نصحه يقول إنها وقعت لوحدها لحد ما يفهموا حالتها. لكن حالتها كانت خطيرة وماتت في المستشفى.

الشرطة حققت معاه وقتها لكن تقرير الطب الشرعي أثبت إن الإصابة ممكن تحصل نتيجة سقوط وإن مفيش دليل يثبت إنه تعمد ق. تلها. اتقفل التحقيق باعتبارها وفاة غير جنائية. بصيت له وقلت له طب ليه كذبت عليا؟
قال لي لأنه كان خايف أخاف منه وأسيبه لو عرفت الحقيقة من الأول. سألته ومريم شافت إيه؟ قال إنها كانت صغيرة لكنها شافت جزء من الخناقة وفضلت فاكرة إن أبوها هو السبب في موت أمها.