مرات أخو جوزي غيرت مني بسبب شطارتي في البيت، وبعدها اتهمتني بسرقة دهبها، ولما لقته محدش صدق اللي حصل

ومرة أرتب الصالة ومرة أعمل الغدا بدري ومرة أساعد حماتي في تجهيز السفرة وفي مرة رجعت رنا من عند أهلها ولقتني خلصت ترتيب الجزء اللي كانت بتقعد فيه في بيت العيلة فقالت لي منال إنتي ليه بتعملي كل ده قلت لها عادي يعني بنساعد بعض قالت أنا ما طلبتش منك قلت لها ما هو مش هتفرق وبصت لي وقالت يمكن تفرق وبعدها دخلت أوضتها وأنا بدل ما أفهم رسالتها كنت شايفاها تحدي وكل ما كانت

تلمح لي إني بتدخل في حياتها كنت أعتبر ده دليل إنها متضايقة مني وفي يوم كنت قاعدة مع حماتي فقالت لي بكرة أنا هروح أبات عند أختي يومين والبيت محتاج يتروق من فوق لتحت فقلت لها سيبيه عليا يا ماما وأنا هعمل كل حاجة وفعلاً من أول الصبح بدأت أنضف بيت حماتي كله وغسلت الملايات والمفارش والبطاطين اللي كانت مركونة من فترة ونشرتها على السطح وغسلت ستاير الصالة ومسحت الشبابيك ورتبت دولاب المفارش ونضفت المطبخ

وفضلت طول اليوم شغالة وأنا في دماغي إن رنا لما تشوف البيت هتتضايق لأن حماتي هتفضل تمدحني قدامها ولما رجعت حماتي بالليل كانت مبسوطة جدًا وقالت لي ربنا يبارك لك يا بنتي إنتي ريحتي قلبي وفي اللحظة دي دخلت رنا وكانت شايلة أكياس من السوق وبصت على البيت وقالت إيه ده كله قلت لها عملنا شوية ترتيب عند ماما قالت عند ماما؟

قلت لها آه حماتي كانت مسافرة عند أختها فقلت أساعدها قالت ربنا يخليكي لكن عينيها قالت حاجة تانية وأنا فهمت منها إنها اتضايقت وأنا بدل ما أراجع نفسي حسيت بالانتصار وبعدها بيومين حصل موقف صغير لكنه زود الحكاية أكتر كنت في المطبخ ورنا بتجهز الغدا لنفسها ولجوزها وأنا دخلت أجيب حاجة فقالت لي منال ممكن تسيبيني أعمل اللي أنا عايزاه لوحدي قلت لها هو أنا عملت لك حاجة قالت إنتي مش بتعملي حاجة بس كل

ما أعمل حاجة ألاقيكي خلصتيها قبلي قلت لها ما هو عادي وبعدين ضحكت وقلت لها أصلًا مش غلط تتعلمي مني شوية قالت أنا مش محتاجة أتعلم منك وخرجت وأنا ضحكت بيني وبين نفسي وقلت خلاص هي فعلًا متضايقة مني ومن هنا بدأت أعمل حاجات بقصد أكبر لو عرفت إنها هتكون عند حماتي أروح أقعد معاها ولو عرفت إنها هتعمل أكلة معينة أعملها قبلها ولو سمعت كريم بيقول لها منال عملت كذا أقول له على طول

لا يا كريم رنا أكيد بتعمل أحسن مني وكنت بقول الكلام ده قدامها وأنا عارفة إني بضغط على أعصابها وفي مرة كريم قال لي إنتي ورنا بينكم حاجة قلت له لا أبدًا دي زي أختي وضحك ومشي لكن رنا بصت لي وقالت يا ريت فعلًا وفضلت الجملة دي في دماغي لكني ما اهتمتش وبعد حوالي أسبوع كانت رنا عند أهلها ورجعت قبل المغرب ولما دخلت البيت سألت عن علبة صغيرة كانت بتحط فيها دهبها لأنها