أخوات جوزي الاتنين اتهموني ظلــ,,ـــــم قدام العيلة كلها عشان يفضحوني

أخوات جوزي الاتنين اتهموني ظلــ,,ـــــم قدام العيلة كلها عشان يفضحونيأنا اسمي مريم عندي تلاتين سنة ومتجوزة أحمد بقالنا ست سنين وعندي منه بنتين وعمري ما تخيلت إن يوم عادي جداً هيروح بيا لمكان عمري ما كنت أتخيل أوصله يومها كنا رايحين عند حماتي عشان نتجمع كلنا زي كل مرة وكنت داخلة البيت وأنا شايلة طبق حلو عملته في البيت ومش في دماغي غير إني أقعد شوية وأرجع أنا وبناتي لكن من أول ما دخلت حسيت

إن نجلاء وداليا أخوات أحمد بيتعاملوا معايا بشكل غريب نجلاء كانت بتبصلي من بعيد وتسكت وداليا كانت بتتكلم معايا بكلام عادي لكن كل شوية تبص لأختها كأن بينهم كلام أنا مش عارفة عنه حاجة وفضلت أقول لنفسي يمكن أنا اللي متوترة من غير سبب لكن الحقيقة إن علاقتي بيهم كانت اتغيرت من فترة لأن أحمد بقى يستشيرني في حاجات كتير تخص حياتنا وبيتنا وده كان أكتر شيء مضايقهم أحمد طول عمره كان بياخد رأي أخواته

في كل حاجة حتى في حاجات تخص بيتنا أنا وهو لكن في الفترة الأخيرة بقى يقول لي إنتي شايفة إيه وإنتي رأيك إيه وبدأ يعتمد على رأيي وكنت مبسوطة إن جوزي شايفني شريكة في حياته لكن واضح إن الموضوع ده ما عجبش أخواته وفي مرة نجلاء قالتلي وهي بتضحك إنتي كده أخدتي أخويا مننا وأنا ضحكت وقلت لها ده أخوكي قبل ما يكون جوزي وأنا عمري ما همنعه عنكم لكنها ردت وقالت ما هو واضح

ومن وقتها وأنا حاسة إن في حاجة مستخبية بعد الغدا دخلت المطبخ أساعد حماتي وبعدها طلعت الأوضة عشان أجيب شنطتي وأحط فيها حاجات البنات وبعد دقائق رجعت الصالون لقيت داليا واقفة ووشها متغير وقالت الخاتم مش موجود كل الناس بدأت تدور معاها في البيت وأنا كنت بدور معاهم وأنا مش فاهمة إزاي خاتم صغير يعمل كل القلق ده وفجأة نجلاء قالت آخر واحدة دخلت الأوضة كانت مريم أنا بصيت لها وقلت لها أنا دخلت أجيب

شنطتي بس قالت طب ما نفتش شنطتها وخلاص حسيت إن الأرض اتحركت من تحتي وبصيت لأحمد مستنية منه يقول لهم عيب أو يقول لهم إنه واثق فيا لكنه قال نفتش ونخلص الكلمة دي وجعتني أكتر من كلام أخواته فتحت شنطتي وأنا إيدي بتترعش وفضلوا يفتشوا قدام الكل وأنا حاسة إن كل عين في البيت بتبصلي على إني سارقة وفجأة داليا شهقت وقالت هو ده الخاتم الخاتم كان جوه شنطتي أنا اتجمدت مكاني وفضلت أبص للخاتم

وأنا مش قادرة أفهم هو دخل شنطتي إزاي نجلاء قالت أنا كنت حاسة إن الموضوع مش طبيعي وأحمد بصلي وقال الخاتم جه شنطتك إزاي يا مريم وأنا قلت له والله ما أعرف أنا ما لمستوش أصلاً لكن عينيه وقتها ما كانش فيها الثقة اللي كنت متعودة أشوفها ودي كانت أول مرة أحس إن جوزي نفسه ممكن يصدق إني عملت حاجة أنا مستحيل أعملها واللي محدش كان يعرفه وقتها إن الخاتم ما وصلش شنطتي بالصدفة وإن

اللي حصل في البيت ده كله كان متخطط له قبل ما أوصل أصلاً.

و اللي ما كنتش أعرفه وقتها إن الخاتم ده كان أول خطوة في خطة أكبر بكتير. وخطة أخوات أحمد كانت لسه في أولها. الفصل الثاني
رجعت البيت مع أحمد وأنا ساكتة طول الطريق كنت مستنية يسألني أو يطمني أو حتى يقول لي إنه عارفني كويس لكن الطريق كله عدى من غير كلمة واحدة ولما دخلنا البيت قفل الباب ووقف قدامي وقال أنا مش فاهم حاجة وأنا قلت له وأنا كمان مش فاهمة فقال لي بس الخاتم كان في شنطتك وأنا قلت له عارفة لكنه مش بتاعي قال طب دخل إزاي وأنا ما عرفت أرد لأن السؤال نفسه كان محيرني أكتر منه وبعدها دخلت أوضة البنات وقفلت الباب وقعدت على السر,,ـــــير وفضلت أعيط وأنا مش مصدقة إن يوم كامل ممكن يقلب حياتي بالشكل ده مش عشان الخاتم لكن عشان الطريقة اللي بصوا لي بيها كأني واحدة غريبة دخلت بيتهم عشان تسرقهم والأصعب من ده كله إن أحمد ما وقفش في صفي تاني يوم فضل الموضوع بينا موجود من غير ما نتكلم عنه بشكل مباشر لكني كنت حاسة إن الشك دخل بينا وبدأ يكبر وكل ما نجلاء تكلمه أو داليا تتصل بيه كان يرجع ساكت ومش طبيعي وأنا كنت عارفة إنهم بيقولوا له كلام عني من غير ما أعرف وفي مرة قال لي خليكي بعيدة عن المشاكل وأنا قلت له أنا أصلاً مش اللي عملت مشكلة فقال لي أنا مش عايز أسمع كلام من حد قلت له يبقى اسمع مني الأول قال لي أنا محتاج وقت وأنا وقتها حسيت إن ست سنين جواز ممكن يتهزوا بسبب حاجة أنا ما عملتهاش.