جوزي شكاك جداً وصل لمرحلة إنه اتهمني في شرفي ودمر حياتي

الفصل الثالث

الصورة التانية كانت متاخدة من مدــ,,ـــــادثة قديمة فعلًا لكن متقصوصة بطريقة تخلي معناها مختلف تمامًا ولما محمود واجهني بيها قلت له أنا مستعدة أجيبلك المدــ,,ـــــادثة كاملة قدامك لكنه رفض وقال لي أنا مش محتاج أشوف أكتر من كده وأنا لأول مرة فقدت أعصابي وقلت له إنت من زمان مشكلتك مش معايا مشكلتك مع الشك اللي جواك وإنت كل مرة كنت بتاخد موقف عادي وتحطه جنب موقف قديم وتقول أهو أنا كنت صح محمود رد عليا وقال لي أنا شكاك آه لكن مش مجنون وأنا سألته إيه الدليل الحقيقي اللي عندك غير الصور دي فسكت ولما أخوه جه وقعد معانا بدأ يسأله نفس السؤال ومحمود ماعرفش يرد غير إنه قال أنا حاسس إن في حاجة من زمان أخوه قال له الإحساس مش دليل يا محمود ولو هتتهم مراتك في شرفها لازم يكون عندك حاجة واضحة مش صور مجهولة ومحمود رد عليه أنا مش هقدر أكمل وأنا شاكك فيها وأنا قلت له وأنا مش هقدر أكمل مع واحد شايفني متهمة لحد ما أثبت العكس وبعدها أخو محمود بدأ يدور في مصدـ,,ـــر الصور لأنه كان شايف إن في حد متعمد يبعتها له بالتدريج وكل ما يدوروا في التفاصيل كان يظهر إن الصور جاية من رقم مجهول وإن الشخص اللي ورا الرقم عارف حاجات

دقيقة عن شغلي وعن العملاء وبعد يومين عرفنا إن الرقم اتفعل من محل قريب من منطقتنا وإن صاحبة المحل افتكرت الست اللي اشترت الشريحة لأنها كانت واحدة من زباين المحل واسمها نهى نهى كانت واحدة من الستات اللي اشتغلت معايا قبل كده وحصل بيني وبينها خلاف بسبب مبلغ خاص بطلبية كبيرة وبعدها بطلت تتعامل معايا أنا ما اتهمتهاش فورًا لكن أخو محمود طلب منها تيجي وتقعد معانا ولما حضرت أنكرت في الأول وقالت إنها مالهاش علاقة بأي حاجة لكن لما واجهناها بتفاصيل الرقم بدأت تتوتر وبعد ضغط كبير اعترفت إنها فعلًا كانت بتبعت لمحمود الرسائل والصور وقالت إنها كانت عايزة تبوظ سمعتي وتخليه يبعدني عن الشغل لأنها كانت شايفة إني السبب في خسارة شغلها لكنها أقسمت إنها ما كانتش متوقعة إن محمود يوصل للمرحلة دي وهنا محمود سألها يعني إنتي كنتي عارفة إنه شكاك فردت عليه جملة خلت الأوضة كلها تسكت وقالت له أنا ما عملتش غير إني حطيت قدامك حاجات ناقصة وإنت كملت الباقي من دماغك لأنك أصلًا كنت مستني أي حاجة تثبت إن شكك في مراتك صح وأنا بصيت لمحمود وقتها وماقدرتش أقول حاجة لأنه لأول مرة بقى مضطر يسمع الحقيقة اللي كنت بحاول أقولهاله من سنين مش من أيام بس المشكلة إن اعتراف نهى ماكانش كفاية بالنسبة

لي لأن الضرر كان حصل ومحمود بالفعل كان اتهمني قدام أخوه وأخويا وبعض أفراد عيلته وفي اليوم اللي بعده اتصل بيا وقال لي أنا عرفت الحقيقة وأنا آسف وأنا رديت عليه بكلمة واحدة بس قلت له الحقيقة ظهرت دلوقتي لكن أنا عايزة أعرف لو ما ظهرتش كنت ناوي تعمل فيا إيه

الفصل الرابع

محمود ما ردش عليا وقتها وسكت فترة طويلة وأنا فهمت من سكوته إن السؤال نفسه كان صعب عليه وبعدها قال لي بصراحة أنا ماعرفش ودي كانت أكتر إجابة خوفتني لأن معنى كلامه إن الموضوع لو ما اتكشفش كان ممكن حياتي تتدمر أكتر لمجرد إن شكه كان أقوى من أي ثقة بينا قلت له أنا عارفة إن نهى ظلــ,,ـــــمتني وعارفة إنها لعبت على نقطة ضعف عندك لكن متحاولش تحط كل اللي حصل عليها لأنك لو ماكنتش طول السنين دي شكاك وبتدور على الغلط في كل تصرف مني ماكانتش قدرت تعمل اللي عملته بسهولة محمود اعترف لأول مرة إنه كان شكاك قبل ما يعرفني أصلًا وإنه كان فاكر إن الغيرة معناها الحب وإن مراقبة اللي بيحبها معناها إنه بيحافظ عليها وإن كل مرة كنت بوافق أطمنه فيها كان بيعتبرها دليل على إن من حقه يسأل أكتر وقال لي أنا دلوقتي فاهم إن المشكلة ما بدأتش يوم ما شفت الصور المشكلة بدأت من أول ما خليت الشك طريقة حياتنا وأنا قلت له وأنا كمان غلطت لأني كنت كل مرة بسكت عشان ما أكبرش المشكلة وكنت بقول بكرة يفهم لكن السكوت خلاك تتمادى وبعدها اتفقنا إن لو في أي فرصة نرجع لازم تكون البداية مختلفة تمامًا مش مجرد اعتذار وخلاص محمود رجع البيت بعد