في عيد جوازي العاشر عشيقة جوزي بعتتلي هدية فيها اختبار حمل بس هديتي انا ليهم كانت اقوي

رفع عينه لي وقال سارة اسمعيني الأول قلت أنا سامعاك من عشر سنين ومع ذلك معرفتش منك الحقيقة اتنهد وقال الموضوع بدأ من فترة قلت له فترة قد إيه؟ قال حوالي سنة حسيت إني هقع سنة كاملة سنة وهو عايش معايا وبيضحك مع بنتنا وبيخرج معايا وأنا مش عارفة إن فيه واحدة تانية في حياته سألته اسمها إيه؟

قال مي قلت بتشتغل معاك؟ هز راسه قلت متجوزة؟ قال لأ قلت وحامل منك؟ سكت صرخت فيه رد عليا قال بصوت واطي هي بتقول كده ضحكت بمرارة وقلت له يعني اختبار الحمل والرسالة والمكالمة كل ده تمثيل؟

قال بسرعة أنا مش عارف هي عايزة إيه قلت له وإنت كنت بتعمل إيه معاها طول السنة؟ ما ردش في اللحظة دي فهمت إن فيه حاجات أكبر من اللي قدامي لكن الغريب إني بدل ما أنهار قررت إني ما أعملش أي حاجة قلت له الليلة دي مش هنتخانق ولا هطلب منك تشرح أنا عايزة أنام دخلت أوضتي وقفلت الباب لكن أنا ما نمتش فتحت الموبايل وبصيت على الرقم اللي اتصل بيا لقيت صورة الحساب لست شابة وبين صورها صورة قديمة من مكان أعرفه كويس المكان كان مكتب كريم قعدت أدقق في الصورة وكان فيه حاجة وراها شدت انتباهي ملف بني موجود على مكتب كريم نفس الملف اللي شفته قبل كده في البيت لما كان بيقول لي إنه بيخلص أوراق شغله الصبح أول ما كريم خرج من البيت اتصلت بالرقم ردت مي بسرعة وكأنها كانت مستنياني قلت لها أنا عايزة أقابلك سكتت شوية وقالت ليه؟

قلت عشان أعرف الحقيقة كلها قالت الحقيقة مش هتعجبك قلت لها أنا مستعدة واتفقنا نتقابل في مكان عام قبل ما أقفل سألتها إنتي متأكدة إن الطفل من كريم؟ قالت أنا مش محتاجة أتأكد وبعدين قالت جملة خلتني أحس إن الموضوع أخطر من خيانة قالت أنا مش بطلب منك تطلقيه أنا بطلب منك تعرفي هو ناوي يعمل فيكي إيه

3
قعدت قدام مي في كافيه بعيد عن منطقتنا كانت باينة عليها الثقة لكن أول ما شافتني اتوترت حطت موبايلها على الترابيزة وقالت أنا عارفة إنك شايفاني السبب في كل حاجة قلت لها أنا مش جاية ألومك أنا جاية أفهم قالت كريم قالي إن جوازه منتهي من زمان وإنه عايش معاكي عشان البنت بس بصيت لها وقلت قال لك كده؟

هزت راسها وقالت وقالي إنه ناوي يطلقك بعد ما يخلص مشكلة معينة سألتها إيه المشكلة؟ قالت الفلوس أنا اتصدمت قلت فلوس إيه؟ قالت إن كريم عليه ديون كبيرة بسبب مشروع دخل فيه مع واحد صاحبه من غير ما يقول لي وإنه كان بيحاول يغطي الخسائر من فلوس البيت وقتها بدأت أربط حاجات كتير الفترة اللي كريم كان بيطلب فيها نوفر المرتب اللي بقى دايمًا ناقص الدهب اللي قال لي إنه باعه عشان يسدد قسط العربية حتى الحساب اللي كنت بحوش فيه لبنتنا واختفى منه مبلغ كبير بحجة مصاريف مدرسة سألتها وإنتي عرفتي كل ده إزاي؟