ضحك وقال في حاجات مبتتنسيش واتكلمنا عن أيام الجامعة كتير من غير ما ندخل في تفاصيل مرهقة وكنت مبسوطة إن الشخص اللي حبيته زمان رجع لحياتي بالطريقة دي بعد فترة بدأ يتكلم عن الجواز بشكل مباشر وقال لي إنه رجع البلد عشان يستقر وإنه عايز يبدأ حياته من جديد وأنا بصراحة كنت لسه جوايا نفس المشاعر القديمة رغم إني حاولت سنين أقنع نفسي إنها انتهت لما قال لي إنه عايز يتقدم رسميًا حسيت إني رجعت
بنت الجامعة اللي كانت مستنية كلمة منه من سنين وبعدها جه مع أمه للبيت وكانت ست كبيرة في السن وباين عليها التعب وكانت أحيانًا تناديه باسم أحمد وبعدين تسكت لحظة وتقول لا يوسف معلش أنا لخبطت بينكم من كتر الشبه وبعدها تضحك وتقول إن الاتنين من وهم صغيرين الناس بتلخبط بينهم أنا وقتها ابتسمت واعتبرت الموضوع طبيعي خصوصًا إن يوسف كان حكالي قبل كده عن أخوه التوأم أحمد وبعد فترة قصيرة تمت الخطوبة والجواز وكل
حاجة عدت بهدوء وأول أيام جوازي كنت حاسة إني أخيرًا عوضت السنين اللي فاتت كان جوزي بيصحى بدري وينزل شغله ويرجع في مواعيده ونقعد نتكلم عن تفاصيل يومنا الصغيرة وكنت أحيانًا أسأله عن أخوه أحمد اللي لسه بره البلد فيقول لي إنه شغله هناك وممكن يتأخر شوية قبل ما يرجع وكنت متأكدة إن أحمد ده أخوه اللي سمعت عنه زمان من غير ما أفكر في الموضوع أكتر لأن حياتي مع يوسف كانت مستقرة وهادية لحد
اليوم اللي جوزي قال لي إن أخوه ممكن يرجع قريب ووقتها ضحكت وقلت له أخيرًا هشوف الشخص اللي كنت بتسمعني عنه أيام الجامعة قال لي إن شاء الله هتشوفيه قريب وأنا مكنتش أعرف إن الشخص اللي كنت عايشة معاه أصلًا هو أحمد
3
بعد حوالي شهرين كنت في البيت بجهز الغدا وسمعت صوت مفتاح في الباب افتكرت إن جوزي رجع من الشغل بدري فخرجت من المطبخ وأنا بمسح إيدي في هدومي لكن أول ما شفت الراجل اللي داخل وقفت مكاني لأنه كان يوسف بنفس الوجه اللي شفته يوم قابلته في الكافيه ونفس الشكل اللي كنت بصحى كل يوم وأشوفه قدامي قربت منه من غير ما أفكر وضحكت وحــ,,ـــــضنته زي ما كنت بعمل مع جوزي كل يوم وقلت له وحشتني رجعت بدري النهارده؟
الراجل اتجمد مكانه وبص لي كأنه أول مرة يشوفني وقال منال؟ أنا ضحكت وقلت له مالك واقف كده ليه وبعدين بصيت على هدومه وقلت له إنت اشتريت هدوم جديدة ولا إيه؟ إنت مش نازل الصبح بالهدوم دي؟ لكنه رجع خطوة وقال إنتي بتعملي إيه هنا؟
وقتها استغربت جدًا وقلت له يعني إيه بعمل إيه هنا؟ أنا مراتك يا يوسف وشه اتغير وقال مراتك؟ أنا يوسف فعلًا بس أنا مش جوزك أنا معرفش إنتي بتتكلمي عن إيه حسيت إن الأرض اتحركت تحتي وقولت له إنت بتهزر؟ إنت يوسف!
فقال أيوه أنا يوسف أخو أحمد إنتي ايه جابك هنا؟ أول ما سمعت اسم أحمد حسيت إن نفسي اتقطع وفضلت أبص له وبعدين قلت له أحمد مين؟ فقال أخويا التوأم أحمد اه لو الي بفكر فيه صح؟
هو انتي اتجوزتي احمد اخويا؟ وفي اللحظة دي سمعنا صوت المفتاح في الباب للمرة التانية وبص يوسف ناحية الباب وقال هو أحمد؟4
دخل أحمد البيت وهو شايل كيس صغير في إيده وأول ما شاف يوسف واقف قدامه اتغير لون وشه وسكت للحظة كأن كل واحد فيهم كان بيحاول يستوعب إن اللحظة اللي كان كل واحد فيهم بعيد عنها حصلت أخيرًا بصيت لأحمد وقلت له إنت مين؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.