1
أنا عمري ما تخيلت إن أكتر موقف ممكن يخليني أشك في عقلي هو نفس الموقف اللي حصل وأنا داخلة بيت جوزي بعد سنين من الغياب عن صاحبي القديم يوسف الحكاية بدأت من الجامعة لما اتعرفت على يوسف في أول سنة وكل حاجة بينا بدأت بهدوء من غير ما أحس إن الموضوع هيتحول لحب كبير كنا بنذاكر سوا ونقعد بعد المحاضرات نتكلم عن شغلنا وحياتنا بعد التخرج ومع الوقت بقينا متعلقين ببعض بشكل واضح ويوسف كان دايمًا بيقول لي إنه عنده أخ توأم اسمه أحمد وإن الاتنين اشتغلوا سوا قبل كده لكن أحمد كان أغلب الوقت بعيد عن البلد وأنا عمري ما شفته ولا حتى قابلته صدفة لأن يوسف نفسه كان أغلب كلامه عن حياته معايا ومش بيحب يدخلني في تفاصيل عيلته بعد ما اتخرجنا فضلنا فترة بنتكلم عن المستقبل لكن يوسف قال لي إن عنده فرصة شغل كويسة مع أخوه بره وإنه لازم يسافر كام سنة عشان يظبط حياته قبل الجواز وافقت وأنا وقتها كنت فاكرة إن البعد مش هيأثر علينا لكن أول شهور السفر كانت أصعب مما توقعت مكالماتنا قلت وبعدها بقت متقطعة لحد ما في يوم اختفى تمامًا حاولت أتصل بيه كتير وبعت له رسائل لكن مفيش رد ومع الوقت فهمت إن العلاقة انتهت من غير حتى ما أعرف السبب عشت حياتي وكملت شغلي وسنين الجامعة عدت كأنها ذكرى قديمة وبعد حوالي ثلاث سنين كنت قاعدة في كافيه قريب من شغلي مستنية واحدة صاحبتي لقيت راجل داخل من الباب ولما بصيت عليه حسيت إن قلبي وقف للحظة نفس الملامح نفس النظرة وحتى طريقة مشيه خلتني أقوم من مكاني من غير ما أفكر وقولت بصوت عالي يوسف؟
الراجل وقف وبص لي باستغراب وقال منال؟ وقتها ابتسمت وأنا مش مصدقة وقلت له أنا كنت عارفة إنك هترجع في يوم من الأيام قعد قدامي وهو ساكت شوية وبعدين قال الدنيا فرقتنا قلت له إنت اختفيت مرة واحدة وأنا حاولت أوصل لك قال لي كانت سنين صعبة ومكنتش عايز أفضل متعلق بحاجة من الماضي سألته عن السفر والشغل وحكينا كتير عن الجامعة وأصحابنا والأيام اللي عدت وبعد وقت طويل سألني إنتي اتجوزتي؟
ضحكت وقلت له لو كنت اتجوزت كنت هقعد معاك كل الوقت ده؟ سكت لحظة وبعدين قال وأنا كمان رجعت عشان أستقر ومش ناوي أسافر تاني كفاية تلات سنين غربة الجملة دي ريحتني بشكل غريب وحسيت إن يوسف اللي كنت أعرفه رجع تاني لحياتي من نفس الباب اللي خرج منه من سنين ومكنتش أعرف إن الشخص اللي قاعد قدامي ما كانش يوسف أصلًا
2
بعد المقابلة دي بقينا نتقابل بشكل متكرر وكل مرة كنت بحس إن السنين اللي ضاعت بينا بتختفي واحدة واحدة هو كان هادي أكتر من زمان ومش بيحكي كتير عن نفسه لكن كان بيسألني عن شغلي وعن أهلي وعن حياتي وأنا كنت بحكي له بطبيعتي لأني في دماغي كنت قاعدة مع يوسف اللي عارفه من زمان في مرة سألني عن واحدة من صاحباتي في الجامعة فقلت له إنت لسه فاكرها؟
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.