جوزت بنتي في قرية جنبنا في الارياف ويوم رحتلها زيارة مفاجأة حاول حماتها واخته يخبوها عني عشان معرفش حقيقة الي حصلها

منزلة عينيها في الأرض وساكتة وهنا دخل حسام وكان واضح إنه عارف إني جيت لأن ملامحه اتغيرت أول ما شافني وقال لي أهلًا يا حماتي وأنا قلت له أنا مش جاية أعمل مشكلة أنا جاية أطمن على بنتي بس وعايزة أفهم إيه اللي حصل امبارح فقال لي مفيش حاجة تستاهل وكل البيوت فيها مشاكل وأنا قلت له المشاكل حاجة وإن بنتي تبقى بعلامة في وشها حاجة تانية فسكت شوية وبعدين قال لي هاجر وقعت وهي

بتلم الهدوم وأنا بصيت لهاجر عشان أشوف هتأكد كلامه ولا لأ لكنها فضلت ساكتة وهنا فهمت إن الموضوع أكبر من كده فقلت لهاجر تعالي معايا يومين عندي ترتاحي فقالت بسرعة لا يا ماما مينفعش وحسام رد بدلها وقال هي مش هتروح في أي حتة لأنها مراتى وأنا اللي مسؤول عنها فقلت له مسؤول عنها مش مالكها وردت زينب من ورا ضهري وقالت له شايفة يا حسام هي جاية تاخد بنتك منك من أول يوم وبدأت

تتكلم بطريقة غريبة عن إن هاجر من يوم ما اتجوزت وهي بتحاول تبعد ابنها عن أهله وإنها السبب في كل المشاكل وأنا ساعتها فهمت إن الموضوع مش خناقة واحدة وإن أمه وأخته كانوا جزء من الضغط اللي بنتي عايشاه ولما فضلت أسأل هاجر قدامي قالت لي والله يا ماما أنا كويسة ولما بصيت في عينيها لقيتها بتقول حاجة تانية خالص ولما حسام خرج من الأوضة قربت منها وقلت لها قوليلي الحقيقة قالت لي بصوت واطي

لو مشيتي من هنا النهارده أنا هتحاسب على ده طول الليل وأنا قلت لها مين هيحاسبك فقالت لي حسام وماما ريهام وساعتها لأول مرة حسيت إن بنتي مش خايفة من جوزها لوحده دي بقت عايشة وسط ناس كلهم واقفين ضدها

3قعدت عندهم لحد المغرب وأنا متعمدة ما أظهرش إني مصدقة كل حاجة لأن هاجر كانت بتبص لي كل شوية وكأنها مستنية مني أتصرف لكني كنت عايزة أفهم الصورة كاملة ولما دخلت المطبخ سمعت زينب وريهام بيتكلموا عنها فقالت زينب لازم تتربى دي اتعودت إن أمها بتجري وراها كل ما يحصل لها حاجة وريهام ردت عليها سيبيها بكرة حسام هيعرف يتصرف معاها ولما رجعت للأوضة لقيت هاجر قاعدة لوحدها فقلت لها أنا مش هضغط عليكي بس

لازم أعرف من غير خوف قالت لي إن الموضوع بدأ من شهور وإن حسام لما كان بيتخانق معاها كان ساعات يزعق ويكسر حاجات ويمنع عنها المصروف ولما كانت تشتكي لأمه كانت تقول لها إنك مراته ولازم تستحملي وبعدها بدأت أخته تتدخل في كل حاجة حتى لبسها وخروجها وتليفونها ولما هاجر اعترضت مرة قدام حسام اتخانق معاها وضــ,,ـــــربها ووقتها راحت لأمه وهي بتعيط فبدل ما تساعدها قالت لها إنتي اللي وصلتيه لكده ومن بعدها هاجر بطلت

تحكي لأي حد لأنها اكتشفت إن كل مرة بتتكلم فيها الموضوع بيزيد سوء وسألتها ليه ما قالتليش فقالت لي كنت خايفة يا ماما كنت خايفة تيجي تعملي مشكلة وياخدوا منك حقك إنتي كمان وأنا حسيت وقتها إن بنتي كانت بتحاول تحميني وهي نفسها محتاجة حد يحميها وبعدها دخل حسام فجأة وقال لي هاجر مش هتطلع من البيت ولو عندك كلام قولي لي أنا وبدأ يرفع صوته وأنا قلت له أنا مش هتناقش معاك وإنت متعصب