جوزي الله يسامحه طلع بيضحك عليا انه شغال اضافي وهو شغال مح.لل

وأنا مش فاهمة كل حاجة لكن كنت متأكدة من حاجة واحدة إن جوزي كان داخل في شغل مش طبيعي وشغل لو عرفته هيغير نظرتي له للأبد

2فضلت طول الليل باصة للورقة ومش قادرة أفهم الصورة كاملة كنت عارفة إن فيه حاجة غلط لكني ما كنتش عايزة أظلم حسام أو أبني اتهام كبير على ورقة أنا مش فاهمة ظروفها وبعد ما نام خرجت الورقة من الدرج وصورتها بالموبايل ورجعتها مكانها زي ما كانت تاني يوم حسام نزل شغله وأنا فضلت مستنية مها يمكن أشوفها تاني وبالفعل قابلتها بالصدفة قدام الصيدلية القريبة من البيت أول ما شافتني حاولت تعدي من جنبي لكني وقفتها

وقلت لها أنا مش عايزة أعرف منك أسرار بيتك أنا بس عايزة أفهم إيه علاقة جوزي بالناس اللي بتتكلمي عنهم مها بصت حوالين نفسها وقالت لي إن جوزها السابق كان مطلقها ثلاث طلقات وإنها كانت بتحاول ترجع له وإن فيه شخص رشح لها حسام على إنه رجل بيوافق يتجوز المطلقة زواجًا شرعيًا وبعدها لو حصل انفصال طبيعي تنتهي المشكلة حسيت إن رجلي مش شايلاني سألتها هو حسام اتجوزك؟

قالت لا أنا ما وافقتش في الآخر وبعدين سكتت شوية وقالت لي بس هو مش بيعمل الموضوع ده مرة واحدة رجعت أسألها يعني إيه؟ قالت لي فيه ناس كتير بتعرفه ولما سألتها مين اللي عرفها عليه قالت اسم رجل بيشتغل قريب من مكتب مأذون هنا بدأت أفهم ليه حسام كان بيخرج في مواعيد محددة وليه كان معاه أوراق وليه الفلوس اللي بياخدها كانت أكبر من أي شغل إضافي عادي رجعت البيت وأنا حاسة إن الصورة بدأت تكتمل لكني كنت محتاجة دليل يواجهه ولما رجع حسام بالليل كنت مستعدة أسأله لكن أول ما دخل رن موبايله بص للشاشة وقال لي أنا هرد في البلكونة دخل البلكونة وقفل الباب أنا ما قربتش منه لكن صوته وصل لي وهو بيتكلم بهدوء كان بيقول إن الست الجديدة لازم تكون فاهمة كل حاجة قبل ما يتم أي اتفاق وإنه مش هيدخل في موضوع لو فيه مشاكل مع جوزها الأول الجملة دي خلتني أتجمد لأنّها أكدت لي إن اللي شفته في الورقة مش صدفة لما دخل حسام لقياني قاعدة في الصالة فبص لي بسرعة وسألني مالك؟

قلت له ولا حاجة لكن عيني كانت عليه طول الوقت هو حس إن فيه حاجة قعد قدامي وسألني إنتِ عارفة حاجة؟ قلت له أنا عارفة إن شغلك الإضافي مش شغل عادي اتوتر وقال لي إنتِ بتقولي إيه؟
قلت له مش هسألك كتير دلوقتي لكن لو عندك حاجة مخبيها عني الأفضل تقولها بنفسك سكت ثواني وبعدها قال لي إن فيه ناس بتستعين بيه في إجراءات تخص الجواز وإن الموضوع كله قانوني قلت له وأنا مالي؟

قال لي مفيش حاجة تخصك قمت من قدامه وقلت له بالعكس دي حاجة تخصني جدًا لأنك بتخرج من بيتي كل ليلة وأنا مش عارفة إنت رايح تعمل إيه ما ردش ودخل يغير هدومه أما أنا فكنت بدأت أخاف من الحقيقة نفسها لأن كل دليل كان بيقربني من حاجة كنت أتمنى تكون مستحيلة