جوزي الله يسامحه طلع بيضحك عليا انه شغال اضافي وهو شغال مح.لل

أنا عمري ما كنت ست بتفتش ورا جوزها ولا بحب أعيش طول الوقت في شك لكن اللي حصل معايا خلاني أندم على كل مرة صدقت فيها جملة كان بيقولها لي وهو خارج من البيت وكأنه رايح شغل عادي لأن الحقيقة كانت أبشع بكتير من مجرد شغل إضافي أو فلوس زيادة أنا وجوزي حسام كنا متجوزين بقالنا سبع سنين وعندنا بنتين وحياتنا كانت ماشية بشكل طبيعي هو كان شغال في محل أجهزة كهربائية من الصبح للعصر

وبعدها يرجع ياكل ويرتاح شوية وينزل تاني في الأول كنت فاكرة إنه بينزل يساعد صاحبه في محل تاني لكن لما سألته قال لي إنه لقى شغل إضافي مع واحد يعرفه وإن الفلوس كويسة وهتساعدنا في مصاريف البيت فرحت رغم قلقي عليه كنت بقوله يا حسام كفاية عليك شغلك إنت بتتعب نفسك ليه؟

وكان يرد عليا معلش يا نادية لازم أزود دخلي عشان البنات لما يكبروا مصاريفهم هتزيد الكلام كان منطقي لكن مع الوقت بدأت أحس إن الشغل الإضافي ده مش طبيعي كان ساعات يختفي بالساعات وموبايله يفضل مقفول وأوقات يرجع البيت بعد نص الليل ويدخل يستحمى ويغير هدومه قبل ما يقعد معايا مرة سألته إنت بتشتغل إيه بالظبط؟

ضحك وقال لي هو أنا بشتغل في وكالة مخابرات؟ قلت له أنا بس بسأل عشان أطمن عليك قال لي شغل رجالة يا نادية وإنتِ مالكيش فيه الجملة دي ضايقتني جدًا لأن حسام عمره ما كان بيكلمني بالطريقة دي وبعدها بدأت ألاحظ حاجة أغرب كان أوقات يلبس بدلة أو قميص جديد قبل ما ينزل ويهتم بشكله بطريقة مختلفة عن الأيام العادية ولما أسأله يقول عندي ناس هقابلهم ناس مين؟

كان يغير الموضوع وفي يوم رجع البيت ومعاه مبلغ كبير من الفلوس قلت له إيه ده؟ قال لي مكافأة من الشغل قلت له شغل إضافي يدفع المبلغ ده؟ قال لي آه يا ستي هو إنتِ هتحققي معايا؟ضحكت وقتها وخلاص لكن بعد كام يوم حصل موقف خلاني أبطل أضحك كنت خارجة أجيب حاجة من الصيدلية وقابلت بالصدفة واحدة ست أعرفها من بعيد اسمها مها أول ما شافتني سلمت عليا وبعدين قالت إنتِ لسه جوزك حسام بيشتغل مع الناس دي؟

قلت لها ناس مين؟

وشها اتغير وقالت أنا افتكرت إنك عارفة حسيت إن قلبي بدأ يدق بسرعة قلت لها عارفة إيه؟ قالت خلاص ولا يهمك لكن أنا مسكت إيدها وقلت لها مها قولي لي فضلت ساكتة شوية وبعدين قالت أنا مش عايزة أتكلم في حاجة ممكن تعمل مشكلة بينك وبينه رجعت البيت وأنا مش فاهمة ولما دخلت لقيت حسام بيحط ورقة في درج مكتبه بسرعة سألته إيه الورقة دي؟

قال لي ولا حاجة قلت له وريني رفض ولأول مرة في حياتي يزعق في وشي ويقول قلت لك مفيش حاجة تخصك في اللحظة دي عرفت إن الموضوع مش مجرد شغل إضافي وبعد ما نام حسام خرجت الورقة من الدرج كانت مكتوب فيها أسماء ناس وتواريخ وأمام كل اسم مبلغ من المال وتحت واحد من الأسماء كانت فيه جملة قصيرة خلت إيدي ترتعش الزواج يتم بحضور الشهود ثم يتم الطلاق بعد انتهاء الغرض فضلت باصة للورقة