ابني جارنا كان كل شوية يقف قدام بيتنا ويراقب بنتي من بعيد، ولما واجهت أبوه أنكر واتهمني إني بظلــ,,ـــــم ابنه،

أول ما شفت أبو شريف واقف قدامي افتكرت إنه جاي يعتذر عن اللي ابنه عمله لكن أول كلمة قالها خلت الدم يغلي في عروقي وقاللي أنا سمعت إنك بتقولي على ابني كلام كبير وإنه دخل بيتكم وبيتعرض لبنتك وأنا جيت أقولك ابني عمره ما يعمل حاجة من دي أنا بصيت له وقلت له أنا شوفته بعيني فوق سطح بيتي وبيبص من المنور إنت عايزني أصدق مين عيني ولا كلامك رد عليا بعصبية وقاللي ابني كان

فوق سطحنا ومطلعش من بيته قلت له بيوتكم لازقة في بعض وأنا شوفته وهو بينط عندنا قاللي يبقى إنتِ شوفتي حد شبهه في الضلمة وأنا هنا فقدت أعصابي وقلت له يعني كمان هتكدب عيني وتتهمني إني بتبلى على ابنك عشان أعمل مشكلة معاكم لكنه فضل مصر على كلامه وقاللي ابني متربي ومش ناقصه كلام الناس وأنا قفلت الباب في وشه وأنا حاسة إن أعصابي هتنهار لكن قبل ما أدخل سمعت صوت واحدة من الجيران بتناديني

من آخر الشارع ولما قربت مني قالتلي إنتِ حصل لبنتك حاجة بسبب شريف قلت لها أيوه ليه قالتلي أصل أنا كنت خايفة أتكلم من زمان أنا اتجمدت مكاني وسألتها يعني إيه من زمان قالتلي ابني شاف شريف من كام شهر واقف عند شباك بنتي بالليل ولما واجهناه أبوه قال لنا نفس الكلام اللي قاله لك دلوقتي وإننا بنظلــ,,ـــــمه أنا بصيت لها وأنا مش مستوعبة وسألتها طب عملتوا إيه قالتلي خفنا من كلام الناس وسكتنا لكن

بعد فترة بنت جارنا التاني اشتكت إن شريف كان بيتبعها وهي راجعة من الدرس ولما أهلها واجهوه أنكر وأبوه دخل بينهم وقال لهم ابني مريض شوية ومش واخد باله من تصرفاته وأنا أول ما سمعت كلمة مريض حسيت إن فيه حاجة كبيرة محدش بيقولها قلت لها وإنتِ متأكدة إن أبوه كان عارف قالتلي هو بنفسه قال لي ساعتها ابني محتاج علاج وأنا هتصرف معاه بس بالله عليكم استروا عليه ومتفضحوش ابني رجعت البيت وأنا دماغي

مشغولة بكلامها وافتكرت كلام أم شريف لما قالتلي اقفلي المنور وريحي دماغك وكأنها كانت عايزة تحمل بنتي مسؤولية اللي ابنها بيعمله وأنا هنا بدأت أشك إن الموضوع مش مجرد ولد قليل الأدب وإن فيه سر أكبر من كده وبعدها اتصلت بجوزي وحكيت له كل اللي حصل من أول الليلة اللي شفت فيها شريف فوق السطح لحد كلام الجارة فسكت شوية وقاللي متتكلميش مع حد تاني في الموضوع لحد ما أرجع قلت له ليه قاللي عشان

عايز أتأكد بنفسي إذا كان الكلام ده حصل مع بنات تانية ولا لأ ولما سألته إنت شاكك في إيه قاللي أنا مش شاكك أنا بدأت أقلق وبعدها قفل معايا وأنا فضلت قاعدة طول الليل أفكر في حاجة واحدة بس لو شريف فعلا عمل كده مع بنات تانية وأبوه كان عارف وساكت يبقى ليه أبوه لسه بيكذب ويدافع عنه بكل القوة دي