حماتي ست مفترية كل يوم جوزي يرجع من الشغل تتهمني بحجات عمري ماعملتهاكل يوم تهمة جديدةأنا اسمي سارة، عندي تلاتين سنة، ومتجوزة كريم بقالنا خمس سنين. كريم كان شغال في شركة مقاولات، وبيرجع البيت كل يوم تقريبًا الساعة سبعة بالليل.
وأنا كنت بقضي يومي بين البيت وبنتنا الصغيرة ليلى، اللي عندها أربع سنين. حماتي، أم كريم، كانت ساكنة معانا من حوالي سنة، بعد ما تعبت شوية وبقت محتاجة حد يساعدها. في الأول قلت لنفسي:دي أمه، وأنا لازم أستحمل.
"بس اللي مكنتش أعرفه إن وجودها في البيت هيحوّل حياتي لحاجة شبه التحقيق اليومي. أول يوم بدأت الحكاية بموضوع بسيط. كريم دخل البيت، لقى أمه قاعدة في الصالة ووشها متغير. قال لها:مالك يا أمي؟"بصت له وبعدين بصت لي وقالت:ولا حاجة يا ابني... بس أنا من الصبح قاعدة من غير أكل.
"اتصدمت. قلت:إزاي؟ أنا حضرتلك الفطار وحطيته قدامك."قالت بسرعة:أيوه، حطيتيه... وبعدين شلتيه."كريم بص لي باستغراب. قلت:أنا؟! ليه أشيله؟"ردت:عشان بتضايقي مني."كريم قال:يا أمي، سارة تعمل كده ليه؟"سكتت، وقالت:"اسأل مراتك."ومن اليوم ده بدأت الحكاية.
تاني يوم قالت له إني قفلت عليها باب الحمام بالمفتاح. تالت يوم قالت إني خبيت ريموت التكييف عشان أضايقها. رابع يوم اتهمتني إني أخدت مية جنيه من شنطتها. أنا فتشت معاها البيت كله، ولما لقينا الفلوس في جيب جلابيتها، ضحكت وقالت:"أصل الواحد لما يكبر بينسى.
"بس بدل ما تعتذر، بصت لي وقالت:برضه مش معنى كده إني مطمنة."الجملة دي وجعتني أكتر من الاتهام نفسه. وبدأت الاتهامات تكبر. مرة قالت إن طبقها اتكسر وأنا اللي كسرته وخبيته. ومرة قالت إني سمعتها وأنا بتكلم مع أختي وبقول عليها كلام وحش.
ومرة قالت إن ليلى وقعت بسبب إهمالي، رغم إن البنت كانت بتجري في الصالة قدامها هي. لكن أكتر موقف خلاني أحس إن الموضوع بقى خطر حصل يوم رجع كريم من الشغل، ولقي أمه بتعيط. قال:في إيه؟"قالت:مراتك مدت إيدها عليا.
"اتجمدت مكاني. قلت:"إيه؟! أنا لمستك أصلًا؟!"كريم بص لي، وبعدين لأمه. قالت وهي بتمسح دموعها:"زقتني وأنا داخلة المطبخ."قلت:ده محصلش!"لأول مرة كريم اتعصب وقال:خلاص! أنا مش فاهم مين فيكم بيقول الحقيقة!"سكتنا كلنا. دخل أوضته، وأنا دخلت وراه.
قلت له وأنا بعيط:لو أنا غلطانة في حاجة قول لي، بس متخلينيش كل يوم أدافع عن نفسي في حاجة معملتهاش."كريم ما ردش. وفي اللحظة دي سمعت صوت حماتي من الصالة:"شايف يا ابني؟ أول ما تواجهها تزعل وتعيط!"بصيت لكريم، وقلت له:أنا تعبت.
"لكنه ما كانش عارف إن الأيام الجاية هتخليه هو نفسه يشك في كل حاجة بتحصل في البيت...وإن الحقيقة كانت أقرب مما يتخيل.... ---
الفصل الثاني: الفلوس اللي اختفت
بعد موضوع إنها اتهمتني إني زقيتها، كريم بدأ يبقى ساكت أكتر.
ما بقاش بيجادل أمه زي الأول، وفي نفس الوقت ما بقاش بيصدقني بسهولة. وأنا كنت حاسة إن أي كلمة بقولها لازم أحسبها عشر مرات. بعدها بأسبوع، حماتي خرجت من أوضتها وهي بتدور على ظرف صغير. قالت:"يا سارة، إنتي دخلتي أوضتي النهارده؟"
قلت:"لا."
قالت:"أصل كان فيه ألف جنيه في الدرج.
"
قلت:"يمكن حطيتيهم في مكان تاني."
قالت بعصبية:"أنا مش مجنونة!"
حاولت أهدّيها. لكنها قالت:"مش أول مرة حاجة تضيع وأنا موجودة معاكي."
الكلام وصل لكريم بالليل. المرة دي أنا اللي طلبت منه يفتش شنطتي. فتشها قدام أمه، وما لقيش حاجة.
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.