رجعت البيت قبل ميعادي فلقيت مراتي الحامل متحاصرة من قرايبي وواحد غريب لكن الي كشفوه كان صعب اني اصدقه

مراتي قالت كان بيقول إن فيه حاجات خاصة لازم تتجاب قلت لها وإنتِ دفعتي كل ده منين قالت من فلوس كنت مخبياها من مصروفي هنا حسيت إن الموضوع مش مجرد غلطة منها كان استغلال كامل ليها لكن السؤال اللي فضل في دماغي كان واحد مين كان بيوصل له أخبارها عني وعن البيت لأن بعض الحاجات اللي قالها لها ما كانش ممكن يعرفها من مجرد كلامها معاه وبعد ما خرجت خالتي وأمي المطبخ للحظات سألت مراتي

بهدوء الراجل ده قالك إيه عن عيلتي قالت في البداية كان بيسألني عن والدتك وبعدها بدأ يسألني عن خالتك وبعدين سألني عنك وعن شغلك ومواعيد رجوعك قلت لها كان يعرف مواعيد رجوعي؟

هزت راسها وقال مرة قاللي إن جوزك مشغول يوم الخميس ومش هيرجع قبل الساعة عشرة بصيت لها وقلت له وإنتِ كنتِ بتروحي يوم الخميس؟ قالت أيوه هنا حسيت إن الموضوع خرج من مجرد دجال استغلها لأن حد كان بيديله معلومات عن حياتنا.3

تاني يوم طلبت من مراتي تحكيلي كل حاجة من أول يوم دخلت فيه البيت ده قالتلي المكان كان في شقة فوق محل قديم والراجل كان بيغير كلامه حسب اللي قدامه لو حد خايف يقوله عندك مشكلة ولو حد عنده أزمة في البيت يقوله حد حاسدك ولو حد متأخر في الحمل يقوله عندك مانع محتاج علاج وقالت إن في آخر مرة راحت له سألها سؤال غريب مين أكتر شخص في بيتك بيضغط عليك قلت لها وإنتِ

قلتي له إيه قالت قلت له والدتك ساعات بتضغط عليا في موضوع الحمل فسألني هي بتعرف مواعيدك قلت له مش فاهمة قاللي بتعرف إمتى بتكوني لوحدك وإمتى جوزك بيكون بره البيت هنا قلبي اتقبــ,,ـــــض سألتها هو كان بيسألك عن أمي بس قالت لأ سألني عن خالتك كمان قلت لها ليه قالت ما عرفتش قلت لها هل قالك اسم شخص من عيلتنا قالت لأ لكنه مرة قاللي جملة غريبة قاللي اللي بعتك عندي مش عايزك تعرفي

إنه هو اللي بعتك قلت لها يعني إيه سكتت وقالت عشان كده كنت خايفة أقولك من الأول قلت لها ليه قالت لأني اكتشفت إن خالتي هي اللي عرفتني عليه لكن بعد كده الراجل نفسه لمح لي إن خالتي ما كانتش أول واحدة تعرفه هنا طلبت من خالتي تيجي لوحدها وسألتها مين اللي عرفك على الراجل قالت صاحبتي قلت لها اسمها قالت اسم ست ما كنتش أعرفها كويس سألتها قابلتيها فين قالت في مناسبة عائلية من

حوالي سنة ونص قلت لها يعني قبل ما مراتي تحمل؟

قالت أيوه قلت لها وإنتِ كنتِ بتتكلمي عن مشكلة الحمل قدامها؟ سكتت وعرفت الإجابة من سكوتها خرجت من عند خالتي وأنا حاسس إن فيه حاجة ناقصة اتصلت بمراتي وقلت لها افتكري كويس الراجل كان بيقولك إيه عني قالت كان ساعات يقوللي إنك مش صريح معايا وإن فيه حاجات عن شغلك مش بتقولها لي قلت لها وإنتِ صدقتيه قالت كنت ضعيفة ومتوترة وهو كان عارف يدخل من النقطة دي قلت لها هل طلب منك تعملي حاجة ضدي قالت لا لكن كان بيحاول يخليني أشك فيك ويقوللي إنك ممكن تكون السبب في تأخر الحمل وإنك مش عايز تعرف الحقيقة وقتها حسيت بالغضب لكن غضبي الأكبر كان من نفسي لأني كنت فاكر إن المشكلة مجرد إن مراتي راحت لشخص نصاب بينما الحقيقة إن الراجل كان بيحاول يدخل بينا ويخلينا نشك في بعض وبعدها بساعات اتصلت بيا واحدة من معارف خالتي وقالتلي إنها عايزة تقابلني لما قابلتها قالتلي إنها كانت تعرف الراجل ده فعلًا وإنها سمعت منه كلام كتير عن ناس من منطقتنا سألتها مين كان بيبعث له معلومات عن الناس قالتلي ما أعرفش لكن فيه ست كانت بتكلمه باستمرار وبتقول له أخبار عائلات معينة سألتها مين الست قالتلي الاسم هنا اتجمدت لأن الاسم كان اسم أختي أختي اللي كانت واقفة في الصالة يوم المواجهة واللي من ساعة ما دخلت البيت ما قالتش كلمة واحدة رجعت البيت وطلبت منها تتكلم قلت لها إنتِ تعرفي الراجل ده؟