يدفع قسط العربية وبعد يومين الفلوس اختفت قلبنا البيت عليها وأحمد سألني بعصبية "إنتي أخدتي الفلوس؟
" بصيت له وأنا مصدومة وقلت "أنا؟ هو أنا هسرق منك؟" قال لي "أنا مش بتهمك بس الفلوس كانت هنا" وفضلنا ندور في كل مكان لحد ما اكتشفنا إن بنت أختي الصغيرة كانت جات لنا قبلها بيوم ومعاها أولاد أختي وفتحت درج المكتب وهي بتلعب ولما اتصلنا بأختي قالت إن بنتها فعلًا كانت لاقية ظرف وحطته فوق الدولاب لأنها خافت تمسكه المشكلة اتحلت وأحمد اعتذر لي لكن رغم كده فضلت حاسة إن في حاجة مش طبيعية بتحصل لنا بعدها بكام يوم حماتي تعبت فجأة واتنقلت المستشفى ومنال كانت قاعدة معاها وبدأت تتكلم قدام الناس عن إن عين الناس وحسدهم بقوا كتير وفي مرة قالت لي "في ناس لما تشوف الخير عند غيرها ما بتستحملش" رديت عليها "ربنا يبعد عننا وعنكم العين والشر" بصت لي وسكتت وبعد حوالي أسبوع عرفت الحقيقة من مكان ما كنتش متوقعاه كنت داخلة عند حماتي في أوضتها عشان أديها الدوا ولقيت سامح أخو أحمد واقف بيتخانق مع منال في الصالة وصوته عالي قال لها "إنتي كنتي رايحة لمين؟
" ردت عليه "ما لكش دعوة" قال لها "إزاي ماليش دعوة؟ الراجل ده نصب عليكي وخد منك فلوس" أول ما منال شافتني سكتت وسامح اتوتر وقال لي "نهى أنا آسف" سألته "هو في إيه؟" منال دخلت بسرعة وقالت "مفيش حاجة" لكن سامح قال بعصبية "لأ فيه يا نهى" بصت له منال بخوف وقالت "سامح اسكت" قال لها "أنا عرفت كل حاجة" وبص لي وقال "مراتي كانت بتروح لواحد بيقول إنه بيعالج بالسحر وبيعمل حاجات للناس" حسيت إن الأرض بتتحرك من تحتي وبصيت لمنال وقلت "إنتي كنتي بتروحي لدجال؟
" ما ردتش وسامح كمل وقال "ولما سألتها كانت بتقول إنها بتعمل حاجة لواحدة بتغير منها" سألته "مين؟" ما ردش لكن منال بدأت تعيط وقالت بصوت واطي "كنت عايزة أخلي حياتها تتعطل بس" ساعتها فهمت إن المقصود أنا ومبقتش عارفة أقول إيه ولا أعمل إيه لكن اللي قالته بعدها كان أسوأ من كل حاجة قالت وهي بتعيط "أنا ما كنتش عايزة أ.
ها ولا أعمل لها حاجة كبيرة أنا كنت بس عايزة جوزها يبعد عنها وتبقى حياتها زي حياتي" سامح ضــ,,ـــــرب كف على كف وقال "وإنتي فاكرة الراجل ده كان بيعمل إيه؟
" منال سكتت وبعدها عرفنا إن الدجال كان بيستغل خوفها وبيطلب منها فلوس كل مرة بحجة إن اللي عمله ما كملش وإن لازم تدفع أكتر لكن المفاجأة الحقيقية ما ظهرتش غير لما سامح لقى في تليفونها رسايل بينهما وكان آخر طلب منه مبلغ كبير جدًا ومنال كانت بتفكر تبيع دهبها عشان تدفعه
3من يوم ما عرفت الحقيقة وأنا مش عارفة أتعامل مع منال إزاي جزء مني كان عايز أقطع علاقتي بيها خالص وجزء تاني كان مصدوم إنها وصلت للدرجة دي وهي كانت بتدخل بيتي وتأكل وتشرب معانا وتعرف أسرارنا كلها أحمد لما عرف الموضوع اتعصب جدًا وقال لي "إنتي مش هتروحي عندهم تاني" قلت له "أنا أصلًا مش عايزة أشوفها" لكن اللي حصل بعد كده خلاني أفهم إن الموضوع لسه ما خلصش بعد كام يوم سامح اتصل
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.